काठमाडौं १० भदौ । काठमाडौं महानगरले राहदानी विभागले नक्सा पास नगरी भवन बनाएको बताएको छ ।
गत वर्ष बनाएको नयाँ भवनको नक्सा पास नभएको महानगरले बताएको हो । १ अर्ब ५ करोड लागतमा निर्माण भएको उक्त भवनमा कन्सुलर सेवा विभाग रहेको छ ।
तथापी, भुमिगत पार्किङ राखेको उक्त भवनमा सेवाग्राहीलाई समस्या हुने भन्दै बेसमेन्टलाई सेवाग्राहीको ‘वेटिङ रुम’ बनाएको थियो ।
महानगरका एक अधिकारीले भने आफ्नो रेकर्डमा विभागको भवनको नक्सा पास भएको रेकर्ड नभेटिएको बताएका छन् ।
साथै, उक्त एक अधिकारीले भने , ‘उहाहरुसँग नक्सा पास भएको प्रमाण भए पेश गर्न भन्छौं ।’
