काठमाडौं ८ भदौ । नेकपा माओवादी केन्द्रका अध्यक्ष पुष्पकमल दाहाल प्रचण्डले एमाले अध्यक्ष केपी ओलीलाई प्रधानमन्त्री बनाउनु आफ्नो गल्ती भएको बताएका छन् ।
बुधबार गृहजिल्ला चितवन पुगेका अध्यक्ष प्रचण्डले माडीस्थित रतनी खोलामा नवनिर्मित पुलको उद्घाटन गर्दै आफूले दुईपटकसम्म प्रधानमन्त्री बनाएको तर, ओलीले सधैं दुःख मात्र दिए भन्दै ओलीलाई प्रधानमन्त्री बनाउनु गल्ती भएको बताएका हुन् ।
ओलीले चितवनमा आफूलाई असफल पार्ने काम गर्दै आएको भन्दै प्रचण्डले मुलुकको राजनीतिक स्थायित्व र विकासका लागि आफ्नै प्रस्तावमा नेकपा गठन समेत भएको दावी गरे ।
‘राजनीतिक स्थायित्व र विकासका लागि नेपाल बनाएको थियौँ । केपी ओलीलाई मेरै प्रस्तावमा प्रधानमन्त्री बनाइएको थियो , तर, दुर्भाग्य, जे सपना देखेर गरेको हो, त्यो भएन ।’प्रचण्डले भने ।
