काठमाडौं ७ भदौ । नेकपा एमालेले प्रधानन्यायाधीश चोलेन्द्र शमशेर जबराबिरुद्धको महाभियोग प्रस्तावमाथि छलफल गर्न ढिलाइमाथि प्रश्न गरेको छ ।
मंगलबार सिंहदरबारमा बसेको महाभियोग सिफारिस समितिको बैठकमा एमालेका सांसद विष्णु पौडेलले महाभियोग प्रस्तावमाथि छलफल गर्न ढिला प्रति प्रश्न उठाएका हुन् ।
महाभियोग प्रस्ताव दर्ता हुँदा सदन नचले १५ दिनभित्र सदन बोलाउनु पर्ने र सदन चले ३ दिनभित्र महाभियोग प्रस्तावमा छलफल गर्नु पर्ने व्यवस्थाको उल्लंघन भएको भन्दै उनले विरोध जनाएका हुन् ।
हाभियोग पारित गर्न ल्याइएको हो कि केवल प्रस्ताव दर्ता गरेर न्यायालयलाई प्रभावित पार्न खोजिएको हो ? नेता पौडलले प्रश्न गरे ।
नेता पौडेलले संघ र प्रदेश तहको निर्वाचनको मिति घोषणा भइसकेको अवस्थामा समितिलाई तीन महिनाका लागि समय दिए पनि छानबिन गर्न कठिनाइ हुन सक्ने बताए ।
छलफलमा ढिलाइ गर्नुका कारणबारे जवाफ नपाएसम्म सिफारिस समितिका सदस्यहरूले प्रभावकारी ढंगले काम गर्न नसक्ने उनले बताए ।
