काठमाडौं ७ भदौ । नेकपा एमालेका अध्यक्ष केपी शर्मा ओलीले आफ्ना कार्यकर्तालाई आगामी मंसिरमा हुने निर्वाचनको लागि जनतामाझ शालीन र विनम्र बनेर जान आग्रह गरेका छन् ।
मंगलवार पार्टी केन्द्रीय कार्यालय च्यासलमा पार्टी प्रवेश कार्यक्रमलाई सम्बोधन गर्दै ओलीले
कार्यकर्तालाई सक्रिय र संयमित बन्न आग्रह गर्दै यस्तो आग्रह गरेका हुन् ।
आफू १८ घण्टा काममा खटिएको भन्दै त्यति नसके १४ घण्टासम्म काममा सक्रिय बन्न समेत उनले आग्रह गरे ।
ओलीले भने, ‘सक्रिय बनौँ, संयमित बनौँ, शालीन र विनम्र बनेर जनताको बीचमा जाऔँ । नेताजीलाई पनि म आग्रह गर्न चाहन्छु ।’
