काठमाडौं ।
विवाहमा ६ दर्जन बढी सहकर्मीमध्ये एकजना मात्रै आएको भन्दै एक महिलाले जागिरै छोडेर बसेकी छिन् । खबर हो चीनको ।
ति महिलाले आफ्नो जिन्दगीको सबैभन्दा खुशीको क्षणमा पनि आफ्ना सहकर्मीले आफूलाई अपमानित गरेको भन्दै उनले उक्त कार्यालयको जागिर छाडेको उल्लेख गरेकी छिन् ।
नाम नखुलाइएकी ती महिला विगत पाँच वर्षदेखि त्यहि कम्पनीमा काम गर्दै आएकी थिइन् र उनीहरु सबैसँग राम्रो सम्बन्ध भएको ठानेका कारण उनको चित्त एकदम दुखेको भन्दै उनले तत्कालै जागिर छाडिदिएकी हुन् ।
ती महिलालाई आफ्ना सहकर्मीको उपस्थितिमाथि पूर्ण विश्वास भएको भएता पनि उनीहरुले घात गरेका कारण उनले सामाजिक संजालमार्फत चिन्ता ब्यक्त गरेकी छिन् ।
आफ्ना सहकर्मीका लागि ६ वटा टेबलसमेत बुक गरेर राखेकी उनले दुखी हुँदै लेखेकी छिन् ‘मैले सबै पाहुना विशेषगरी मेरो श्रीमानको परिवारको अगाडि लज्जित महसुस गरेँ । मैले दिनभरी टाउको उठाउन सकिनँ ।’ विबाह सकिए लगत्तै उनले तत्कालै राजीनामा दिएकी हुन् ।
