बाहुबली पछि रातरात स्टार बनेका अभिनेता प्रभासलाई अहिले भ्याई नभ्याई भएको छ । फिल्म निर्माताहरुले उनलाई आफ्नो फिल्ममा राख्न मात्र दौड गरिरहेका छैनन् उनी माथी आँखा चिम्लिएर लगानी गर्न समेत पछि पर्दैनन् । कारण उनको फिल्म हिट नै हुन्छ भन्ने हो ।
उनले लिने पारश्रमिक देखी लिएर फिल्ममा प्रयोग हुने सेटहरु समेत अहिले अत्यन्तै चर्चाको बिषय बन्ने गरेको छ । अभिनेता प्रभास फिल्म ‘राधे–श्याम’ ले यतिबेला निक्कै चर्चा बटुलिरहेको छ । उनको पार्टनरको रुपमा पूजा हेगडे छिन् ।
यो फिल्मलाई निक्कै चासोका साथ पनि हेरिएको छ । कारण प्रभास भएर मात्रै हैन । उनले यस फिल्ममा खेल्ने रोलले गर्दा यो फिल्म चर्चाको शिखरमा रहेको छ । कहिल्यै पनि लभर ब्वाईको रुपमा नदेखिएका प्रभाष यस फिल्ममा एकदमै निपुर्ण प्रेमीको रुपमा देखिदैछन् । यस फिल्मलाई जति पनि लगानी गर्न तयार रहेको देखिन्छ निर्माण पक्ष ।
प्रभासको करियरकै सबैभन्दा महंगो फिल्ममा पर्छ राधे श्याम । यस फिल्ममा २६ वटा त फिल्म सेट नै प्रयोग हुनेछ । निर्माण पक्षले फिल्मको सेटमा मात्रै १ सय करोड भन्दा बढि लगानी गरेको छ ।
