काठमाडौं ५ भदौ । नेकपा एकीकृत समाजवादीका सम्मानित नेता झलनाथ खनाल र एमाले उपाध्यक्ष विष्णु पौडेलबीच लामो समय पछि जम्काभेट भएको छ ।
चुनावी तयारीका लागि खनाल र पौडेल बिच गौतमबुद्ध अन्तर्राष्ट्रिय विमानस्थल भैरहवामा जम्काभेट भएको हो ।
खनाल पार्टीको कामले रुपन्देही पुगेका हुन् भने पौडेल चुनावी तयारीको लागि रुपन्देही नै रहेका छन् । विमानस्थलको विशिष्ट कक्षमा केहीबेर दुई नेताबिच कुराकानी भएको थियो ।
भेटमा खनालले ‘नजिक हुने वातावरण बनेन क्यारे’ भन्ने अभिव्यक्ति दिएका थिए । जवाफमा पौडेलले ‘नजिक हुने वातावरण बनाउँछु’ भनेका थिए ।
