काठमाडौं । मिस नेपाल वर्ल्ड २०१९ अनुष्का श्रेष्ठ दक्षिण एसियाका १० उत्कृष्ट महिला उद्यमीको सूचीमा परेकी छन् । उनी विश्वकै तेस्रो स्थानमा रहेकी छन् । इन द क्याप म्यागजिनले तयार पारेको सूची अनुसार सूचीको पहिलो स्थानमा बंगलादेशकी उद्यमी तमारा आबेद छिन् ।
उनले स्थापना गरेको ब्रान्ड आरोङले कफीसहित अन्य उत्पादन गर्छ ।दोस्रो स्थानमा भारतकी अनिशा सिंह छिन् । उनले मायडाला ब्रान्ड स्थापना गरेर चर्चामा आएकी हुन् । अनुष्कालाई भने सन् २०२० मा उनले स्थापना गरेको स्थानीय डेजर्ट ब्रान्ड माकुसीले यो उपलब्धि दिलाएको हो ।
उनको यो सफलताप्रति मिस नेपाल आयोजक संस्था द हिडन ट्रेजरले बधाई दिएको छ । अनुष्काले माकुसी ब्रान्डसँगै मिस वर्ल्डमा ब्युटी विथ पर्पस विधा पनि जितेकी थिइन् ।
