काठमाडौं ५ भदौ । नेपाली कांग्रेसका नेता डा शेखर कोइराला कांग्रेस नेता प्रदीप गिरिलाई श्रद्धाञ्जली दिन मेडिसिटी अस्पताल पुगेका छन् ।
नेता गिरीलाई श्रद्धान्जली दिन पुगेका नेता कोइरालाले देशले प्रजातान्त्रिक समाजवादको व्याख्या गर्ने व्यक्ति गुमाएको बताए ।
कांग्रेस पनि प्रजातान्त्रिक समाजवादको बाटोमा केही चुकेको बताएका उनले गिरि जस्तो सादगी जीवन बाँच्ने र पदको चाहना नगर्ने व्यक्ति नेपाली राजनीतिमा नभएको बताए ।
‘कांग्रेस यो बाटोमा कताकता चुकेको हो कि जस्तो लाग्छ । अब फेरि सुरु गर्नुपर्छ ।’ उनले भने ।
