बलिउड अभिनेता सैफ अली खान र अमृताको प्रेमकथाको बारेमा सबैलाई थाहा होला । कुनै बेला दुबैको प्रेम कथाले निकै चर्चा पायो । दुबैको उमेरमा धेरै फरक थियो तर पनि दुबैले एकअर्कालाई भरपुर माया दिएका थिए । यी दुईको पहिलो भेट फिल्म ‘ये दिल्लगी’ को सेटमा भएको थियो, जहाँ दुवैले फोटोसुट गर्न लागेका थिए ।
यही सुटिङका क्रममा दुवैको भेट भएको थियो । जब सैफ बलिउडमा आए, उनी नयाँ थिए भने अमृता निकै सिनियर थिइन् । फोटोशूटपछि दुवै राम्रो साथी बने । एक अन्तर्वार्ताका क्रममा सैफले अमृतासँगको पहिलो डेटको बारेमा भनेका थिए ।सैफले आफ्नो र अमृताको पहिलो डेट निकै रोचक रहेको बताएका थिए । जब सैफले अमृतालाई डिनरको लागि निम्तो दिन्छन्, उनले आफूलाई बाहिर निस्कन मन नपर्ने भन्दै इन्कार गरेकी थिईन् ।
यसपछि अमृताले उनलाई आफ्नै घरमा डिनरको लागि बोलाइन् । डिनरपछि सैफ पुरै दुई दिन अमृताको घरमा बसे । सैफ अली खानले सिमी ग्रेवालको च्याट शोमा भाग लिए र त्यही क्रममा उनले अमृतासँगको पहिलो डेटको बारेमा बताएका थिए । सिमीसँग कुरा गर्दा सैफले भनेका थिए, ‘जब म अमृताको घर पुगेँ, उनले आफ्नो मेकअप फुकालिरहेकी थिइन् । त्यसपछि उनले भने, ‘मेकअप बिना अमृतालाई देखेर म छक्क परें, चिन्न पनि सकिनँ ।
उल्लेखनीय कुरा के छ भने दुवैले करिब तीन महिना एकअर्कालाई डेट गरे र त्यसपछि सन् १९९१ मा गोप्य रूपमा विवाह गरे । वास्तवमा, अमृता सैफभन्दा १२ वर्ष जेठी थिइन्, त्यसबेला परिवारका सदस्यको प्रतिक्रिया देखेर दुवै चिन्तित थिए, त्यसैले विवाहपछि परिवारका सदस्यलाई यसबारे बताए । विवाहको करिब १३ वर्षपछि सन् २००४ मा दुवैले छुट्टिने निर्णय गरे र सम्बन्धविच्छेद गरे । दम्पतीका सारा अली खान र इब्राहिम अली खान नामका दुई सन्तान छन् ।
