काठमाडौं । गायक प्रकाश सपुतले टेलिभिजन रियलिटी शो सञ्चालन गर्ने भएका छन् । उनले ‘हिमालय लोकस्टार सिजन २’ लाई होस्ट गर्ने भउका छन् । शोको प्रसारण हिमालय टेलिभिजनले गर्ने छ । सांगीतिक रियालिटी शोबाट सञ्चालकका रुपमा प्रकाश पर्दापण हुने भएका हुन् ।
उनलाई मञ्चमा अर्की महिला सञ्चालकले साथ दिनेछन् । यद्यपि उक्त सञ्चालकको नाम भने खुलाइएको छैन् । कार्यक्रममा चर्चित लोकगायक कुमार बस्नेत, रामजी खाँड, ज्योति मगर र कुलेन्द्र विश्वकर्मा निर्णयकको रुपमा रहेका छन् ।
चर्चित संगीत संयोजक एवं संगीतकार आशिष अविरल संगीत निर्देशकका रुपमा रहेका छन् । कार्यक्रमलाई सिमोस सुनुवारले निर्देशन गर्दैछन् ।३० भागको यो रियालिटी शोमा डिजिटल अडिसनमार्फत हजारौं प्रतिभाहरुले आवेदन दिएको र फिजिकल अडिसनमा सहभागी हुने प्रतिभाको समेत छनोट भइसकेको छ ।
कार्यक्रमका विजेताले २० लाख रुपैयाँ नगद पुरस्कार पाउने हिमालय टेलिभिजनले जनाएको छ । हिमालय लोकस्टार(२ हिमालय टेलिभिजनमा हरेक मंगलबार र बुधबार राति ८ बजे प्रसारण हुने छ ।
