काठमाडौं ३ भदौ । नेपालमा पछिल्लो २४ घण्टामा थप ६२३ जनामा कोरोना संक्रमण पुष्टि भएको छ ।
स्वास्थ्य तथा जनसख्या मन्त्रालयले दिएको जानकारी अनुसार देशभर २४ घण्टामा १ हजार ६२१ जनाको पीसीआर परीक्षण गर्दा २४६ जना र ३ हजार ३२४ जनाको एन्टिजेन परीक्षण गर्दा ३७७ जनामा संक्रमण पुष्टि भएको हो ।
योसँगै हाज सम्म संक्रिय कोरोना संक्रमतिको संख्या ५ हजार २४ पुगेको छ । त्यसैगरी पछिल्लो २४ घण्टामा ४८७ जना संक्रमण मुक्त भएका छन् ।
मन्त्रालयले दिएको जानकारी अनुसार ४ हजार ८३४ जना होम आइसोलेसनमा रहेका छन् भने १९० जना संस्थागत आइसोलेसन र ४९ जना आईसीयूमा छन् ।
यसैगरी ६ जनाको भेन्टिलेटरमा राखेर उपचार भइरहेको छ ।
