काठमाडौँ । डुप्लिकेट प्रियंका पछिल्ला दिनमा सामाजिक संजालमा भाइरल बनिरहेकी छिन् । जसको कपालको स्टाइल, शारीरिक बनावट, पहिरन, जे हेर्यो त्यही प्रियंका चोपडाकोजस्तै भएकी यि सुन्दरीलाई देख्नु भयो भने पिंयंका नै भनेर तपाई झुक्किनुहुनेछ । जसका तस्बिर देख्दा लाग्छ, यिनी त प्रियंका चोपडा नै हुन् । तर, पत्याउनुस्, होइन । उनी हुन् नभप्रीत बांगा ।
क्यानडामा बस्ने २१ वर्षकी बांगा फिटनेससम्बन्धी लेख्ने सामान्य ब्लगर हुन् । उनका तस्बिर हेर्दा ठ्याक्कै अभिनेत्री प्रियंका चोपडाजस्तै लाग्छ । तर, उनलाई आफ्नो तस्बिर देख्दा चिडचिडाहट हुन्छ रे । प्रियंकासँग तस्बिर मिलेकै कारण उनले विभिन्न प्रश्नहरूको सामना गर्नुपरेको छ । उनलाई इन्स्टाग्राममा पनि ठूलो संख्यामा फ्यानहरुले फलो गरेका छन् । जसका तस्विर एकपछि अर्को गर्दै सामाजिक संजालमा भाइरल बनिरहेका छन् ।
