काठमाडौं १ भदौ । नेकपा एमालेका अध्यक्ष केपी शर्मा ओलीले माओवादी कम्युनिष्ट सिध्याउन भनेर हिडिरहेको बताएका छन् ।
पार्टी कार्यालय च्यासलमा आयोजित कार्यक्रममा अध्यक्ष ओलीले कम्युनिष्ट सिध्याउन माओवादी कांग्रेसको पछि लागेको बर्ताका छन् ।
‘त्यस्तो माओवादीको के कुरा गर्ने ? स्वाँस्वाँ फवाँफवाँ गर्दै कांग्रेसलाई पछ्याएर हिडेको छ’, ओलीले भने ।नेताका आफन्त जाँड खाएर मरेपनि शालिक बनाइने भन्दै ओलीले युद्धमा मारिएकाहरुको नामै नभएको बताए ।
‘जाँड खाएर मरेकाहरुको शालिक बनाएको छ, युद्धमा परेकाहरुको शालिक बनाएको छ ? ‘युद्धमा मरेकाहरुको नामै छैन । को थियो, कहाँ थियो ? त्यस्तो माओवादीको कुरा गर्ने?’ओलीले भने ।
माओवादीले शहीद, घाइते र अपाङ्गहरु बिर्सिएको आरोप लगाएका उनले भने , ‘महान जनयुद्ध भन्थ्यो, १७ हजार मरे । कति अंगभंग भए, युद्धमा होमिएका युवाहरु आज कहाँ छ, अपाङ्गहरु कहाँ छ ?’ उनले भने।
