काठमाडौं-
अमेरिकी आइडलका फाइनलिस्ट अर्थर गन (दिवेश पोखरेल) बुधबार काठमाडौं आइपुगेका छन् । उनी आफ्नो पहिलो नेपाल कन्सर्टका लागि नेपाल आएका हुन् । उनी एअरपोटए आएसँग उनलाई फ्यानहरुले घेरेका थिए । नेपाली ढाकाटोपीमा सजिएर आएका उनलाई स्वागत गर्न फ्यानको भीड थियो ।
उनीसहित उनको ब्यान्डका अन्य चार जना सदस्य पनि काठमाडौं आइपुगेका छन् । उनले काठमाडौंसहित भदौ ४ गते काठमाडौंमा, ८ गते भरतपुरमा, १० गते पोखरामा र १५ गते बुटवलमा कन्सर्ट हुँदैछ ।
काठमाडौंका अन्य दुई स्थानमा समेत कन्सर्ट हुँदैछ । उनलाई भव्य स्वागतसहित कलंकीस्थित घरमा लैजाने कार्यक्रम छ । सन् २०२० को अमेरिकी आइडलको संस्करणमा फस्ट रनरअप भएयता उनी पहिलोपटक नेपाल आइपुगेका हुन् ।
