काठमाडौं । अभिनेत्री तथा मोडल परमिता राणा बलिउड मिडिया पिंकभिल्लामा आबद्ध भएकी छन् । टीभी रियालिटी शो डान्सिङ स्टार्स नेपालको प्लेटफर्मबाट चम्किएकी उनले अहिले भने बलिउड मिडिया पिंकभिल्लामा आबद्ध भएकी हुन् । केही साताअघि मोडलिङ र विज्ञापन एजेन्सीको निम्तोमा मुम्बईमा पुगेकी परमिता अब केही समय त्यतै बस्ने भएकी छन् ।
उनले सामाजिक संजाल मार्फ आफू उक्त कम्पनीको सौन्दर्य विभागतर्फ जुनियर क्रिएटिभ प्रोड्युसरको रुपमा आबद्ध भएको जनाएकी छन् ।‘पिंकभिल्ला फ्यामिलीसँग आबद्ध हुन पाउँदा खुसी छु,’ परमिता लेख्छिन्, ‘मेरा लागि सन् २०२२ उत्कृष्ट रह्यो ।
परमिता अभिनित पछिल्लो फिल्म ‘द कर्म’ बक्स अफिसमा असफल भएपछि उनी सुखद् कमब्याकको प्रतीक्षामा थिइन् । तर त्यासो हुन सकेन् । चपली हाइट २ बाट फिल्ममा डेब्यु गरेकी उनले रोज, चंगाचेट र द म्यान फ्रम काठमाण्डूमा अभिनय गरिन् । कम्पनीमा जागिर सुरु गरेपछि उनी केही समय त्यतै रहने अनुमान लगाइएको छ ।
