काठमाडौँ :
अभिनेत्री पूजा शर्मा र आकाश शर्माको फिल्म ‘सम्हालिन्छ कहिले मन’को नयाँ गीत सार्वजनिक भएको छ। ‘हराएँ हराएँ’बोलको गीतमा पूजा र आकाश रोमान्टिक मुडमा देखिएका छन्। । गीतमा ताराप्रकाश लिम्बु र अनु चौधरीको स्वर सुन्न सकिन्छ।
कविराज गहतराजले कोरियोग्राफी गरेको गीतमा पूजा र आकाश रोमान्टिक अवतारमा प्रस्तुत भएका छन्। सार्वजनिक गीत आनन्द अधिकारीले लेखेका हुन्। गीतमा संगीत ताराप्रकाश लिम्बुकै सुन्न सकिन्छ। संगीत संयोजन भने सहास शाक्यले गरेका छन्। फिल्मलाई सुदर्शन थापाले निर्देशन गरेका हुन् ।
त्रिकोणात्मक प्रेम सम्बन्ध देखाइएको फिल्ममा पूजा र आकाशका साथमा सोनम तोप्देन, सरोज खनाल, धिरन शाक्य, गौरी मल्ल लगायतका कलाकारले अभिनय गरेका छन्। अमित बस्नेत, परी राना र अजितकुमार थापाले फिल्ममा संयुक्त रुपमा लगानी गरेका छन्।
