काठमाडौं । अभिनेता कार्मले विदेशी प्रेमिका एनी सोफीसँग विवाह गरेका छन् । उनले प्रेमिका एनीसँग गत वर्ष नै बिहे गरेको बताइएको छ । उनले बिहे एक वर्ष पहिले गरेको भएपनि बिहे पार्टी भने अब दिन लागेको बताइएको छ । उनले भदौ ४ गते बिहेभोजको आयोजना गरेका छन् ।
बिहेभोजमा कार्म र उनीले आफू निकट फिल्मकर्मी, व्यवसायी र साथीभाइलाई रिसेप्सनको निम्तो दिएको बताइएको छ । कार्मका पिता महेन्द्र र आमा घनलक्ष्मीले आयोजना गरेको निम्तोमा कार्म वेड्स एनी सोफी लेखिएको छ । एनी युरोपेली रहेको र उनी कार्मसँग केही वर्षदेखि रिलेसनसिपमा रहेर बिहे गरेको बताइएको छ ।
कोरोना महामारीका कारण बिहेभोजमा ढिलाइ भएकाले अहिले बिहेभोज दिन लागेको कार्मले बताए । गत वर्ष नै उनले विवाह गरेको भए पनि यो कुरालाई गुपचुप राखिरहेका थिए । कार्मका निकट साथी तथा अभिनेता रेमनदास श्रेष्ठले पनि हालै विदेशी प्रेमिका जेना मुड्रासँग बिहे गरेका थिए । बिहेमा उनका आफन्त र साथीभाइहरु उपस्थित रहेका थिए ।
