विदेशमा रहेका नेपालीलाई लिङदेनको अपिल : मतदानद्वारा व्यवस्था परिवर्तन गर्न नेपाल आउनुहोस्, वर्तमान व्यवस्था र नेतृत्वको भरपर्दो विकल्प राप्रपा
काठमाडौं २९ साउन । राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङदेनले विदेशमा रहेका नेपालीलाई आगामी मंसिर ४ गते एकै चरणमा हुने प्रतिनिधिसभा र प्रदेशसभा निर्वाचनमा मतदान गर्न अपिल गरेका छन् ।
आइतबार पार्टी सम्वद्ध प्रवासी नेपाली एकता समाज (पानस) को अन्तर्राष्ट्रिय समिति र विभिन्न २७ देशका राष्ट्रिय समन्वय समितिको भर्चुअल बैठकलाई सम्बोधन गर्दै अध्यक्ष लिङदेनले यस्तो अपिल गरेका हुन् ।
चुनावमा भोट हाल्न नेपाल आउन आग्रह गरेका उनले जनताले वर्तमान व्यवस्था र नेतृत्वको विकल्प खोजेको भन्दै राप्रपा भरपर्दो विकल्पका रुपमा स्थापित बताए ।
पार्टीका प्रवक्ता मोहन श्रेष्ठले अध्यक्ष लिङदेनले मतदानद्वारा नै व्यवस्था परिवर्तन गर्न सकिने जानकारी दिएका बताए ।
