काठमाडौं २७ साउन । नेपालमा पछिल्लो २४ घण्टामा थप ७८१ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी देशभर चार हजार ७१२ वटा नमुना परीक्षण गर्दा ७८१ जनामा संक्रमण पुष्टि भएको हो । योसँगै हाल देशभर सक्रिय संक्रमितको संख्या पाँच हजार ७७५ पुगेको छ ।
त्यसैगरी पछिल्लो २४ घण्टामा थप २ जना संक्रमितको ज्यान गएको छ ।
साथै, पछिल्लो २४ घण्टामा ५११ जना कोरोना संक्रमणमुक्त भएका छन् ।
