सेलीब्रेटीहरुको नीजि जिवन नै हुदैन भन्ने कुरा बलिउडको एउटा घटनाले थप पुष्टि गरिदिएको छ । त्यो हो अभिनेता सोनू सूदले आफ्ना छोरालाई महंगो कार किनिदिएको । केही दिन देखी सामाजिक सञ्जालमा सोनूले आफ्ना छोराका लागि लग्जरीयस कार किनेको हल्ला ले पुरै सञ्जाल तातेको थियो । तर अब भने यस बिषयको सोनू आफैले खण्डन गरेका छन् ।
अभिनेता सोनु सुदले १८ वर्ष पुगेका आफ्ना जेठो छोरा इशानलाई ३ करोड पर्ने हाई–इन्ड गाडी किनिदिएको भन्ने हल्ला निराधार रहेको प्रतिक्रिया दिएका छन् । सोनुले उक्त लक्जरी गाडी बुबाको मुख हेर्ने दिनको उपलक्ष्यमा छोरालाई उपहार दिएको भन्ने हल्ला पुरै बलिउडमा पिटिएको थियो।
अन्ततः अभिनेता सोनुले मुख खोल्नै प¥यो । उनले भनेका छन् यो खबरमा कुनै सत्यता छैन । मैले मेरो छोराका लागि कुनै कार किनेको छैन । उक्त कार परीक्षणका लागि हाम्रो घर ल्याइएको थियो । हामी एउटा टेस्ट ड्राइभमा गएका थियौं, यति मात्रै हो । हामीले त्यो गाडी किनेका होइनौं ।”
बुवाको मुख हेर्ने दिन बुवाले हैन छोराले गिफ्ट दिनु पर्ने :
उनले बुवाको मुख हेर्ने दिन छोरालाई कार गिफ्ट गरेको हल्लालाई भने मज्जाले उडाईदिएका छन् । उनले बुवाको मुख हेर्ने दिन भनेको छोराको नभएर आफ्नो दिन भएकाले आफुले नभई आफ्ना छोराहरुले उपहार दिनु पर्ने भन्दै प्रतिक्रिया दिएका छन् ।
तर उनले आफ्नो छोराहरु संग समय बिताउन पाउनु आफ्ना लागि सबैभन्दा ठुलो गिफ्ट अरु के हुन सक्छ र भनि प्रश्न समेत गरेका छन् । आफु बिरुद्धको अफवाहपुर्ण यस समाचारले कत्ति पनि बिचलीत नहुन उनले शुभचिन्तकहरु लाई आग्रह गरेका छन् ।
