धेरै जसो सेलिब्रेटीहरुले आफ्नो छोरा छोरीको तस्बिर सामाजिक सञ्जाल मार्फत सार्वजनिक गरेको देखिन्छ । तर द कपिल शर्मा शो का कमेडियन कपिलले भने अहिले सम्म उनको छोरा छोरीको तस्बिर सामाजिक सञ्जालमा कहिल्यै पनि सार्वजनिक गरेनन् ।
तर आम दर्शकको बारम्बारको रिक्वेष्ट पछि कपिलले अन्ततः आफ्नो छोरा र छोरीको तस्बिर सार्वजनिक गरेका छन् । उनले फ्यानको एक डिमान्ड पुरा गरेका छन् । उनले फ्यानको डिमान्डमा आफ्नो छोरा त्रिशानको तस्बिर पहिलो पटक सामाजिक सञ्जालमा सार्वजनिक गरेका हुन् । उनले सार्वजनिक गरेको यो तस्बिरले सामाजिक सञ्जालमा डढेलो नै लगाईदिएको छ ।
उनले सार्वजनिक गरेको तस्बिरमा आफ्नो काखमा छोरा र छोरी दुबै जनालाई देख्न सकिन्छ । उनको छोरा त्रिशान र छोरी अनायराले केक काट्दै गरेको तस्बिरमा देख्न सकिन्छ । सार्वजनिक गरिएको तस्बिरमा ३ जनाले सेतो टिसर्ट लगाएका छन् । आफु संगै मिल्ने गरि छोरालाई पनि कालो क्याप लगाईदिइएको छ ।
उनले यो फोटो सार्वजनिक गर्दै लेखेका छन् – पब्लिकको जोडदार मागका कारण छोरी अनायरा र छोरा त्रिशान पहिलो पटक एकसाथ ।’
कपिल र उनकी पत्नी गिन्नी चतरथ गत १ फेब्रअरीमा त्रिशानको आमाबुबा बनेका थिए । उनीहरुको बिबाह २०१८ को डिसेम्बर महिनामा भएको थियो त्यस्को एक बर्ष नबित्दै २०१९ मा उनीहरु पहिलो सन्तानको रुपमा छोरी अनायराको जन्म भएको थियो ।
