काठमाडौं १३ साउन । नेपालमा पछिल्लो २४ घण्टामा थप ५७७ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशभर ४ हजार २८२ नमुना परीक्षण गर्दा ५७७ जनामा कोरोना संक्रमण पुष्टि भएको हो ।
योसँगै नेपालमा कोरोना भाइरसको सक्रिय संक्रमितको संख्या ४ हजार ३५६ पुगेको मन्त्रालयले जनाएको छ ।
त्यसैगरी , पछिल्लो २४ घण्टामा थप २ जना संक्रमितको ज्यान गएको छ ।
परिक्षण गरिएको मध्ये २ हजार ४७४ जनाको पीसीआर परीक्षण गर्दा ३९१ जना र १ हजार ८०८ जनाको एन्टिजेन परीक्षण गर्दा १८६ जनामा कोरोना संक्रमण पुष्टि भएको हो ।
