काठमाडौँ ६ असार । नेकपा माओवादी केन्द्रका अध्यक्ष पुष्पकमल दाहाल र गण्डकी प्रदेशका मन्त्री राजीव गुरुङ (दिपक मनाङे) बीच आज आइतबार भेटवार्ता भएको छ । नेकपा एमाले सरकारलाई छाडेपछि पछिल्लो समय मनाङेको विपक्षीदलहरुलाई भेट्ने क्रम बाक्लिएको छ ।
यस भन्दा अघि नेता बाबुराम भट्टराईलाई भेटेका मनाङे आज प्रचण्ड निवास खुमलाटार पुगेका हुन् ।
प्रचण्डसँगको तस्विर सार्वजनिक गर्दै मनाङेले फेबुकमा लेखेका छन्, ‘प्रचण्डज्यू सँग पछिल्लो राजनैतिक घटनाक्रमबारे बृहत छलफल पश्चात लिएको तस्बिर ।’ मनाङे गण्डकी प्रदेशका बिनाविभागीय मन्त्री हुन् । 
