काठमाडौँ ६ असार । भोलीबाट जारी गरिएको निषेधाज्ञामा भने बार र समय निर्धारण गरेर विभिन्न पसलहरु सञ्चालनमा आउने भएका छन् । आज बसेको तिनै उपत्यकाको प्रमुख जिल्ला अधिकारीहरुको बैठकले यस्तो निणर्य गरेको हो ।
काठमाडौंका प्रमुख जिल्ला अधिकारी कालीप्रसाद पराजुलीले दिएको जानकारी अनुसार आइतबार, मंगलबार र बिहीबार सुनचाँदी, भाँडा, विद्युतीय, घरायसी सामान बिक्री गर्ने पसल तथा अटोमोबाइल र त्यसका पार्टपूर्जा पाइने पसल पनि खुल्ने छ ।
सोमबार, बुधबार र शुक्रबार सपिङ मल, खेलकुद सामग्री पसल, कपडा, जुत्ता पसल, फेन्सी, कस्मेटिक, गिफ्ट र टेलरिङ खुल्ने भएको छ ।
सातै बार खोल्ने समय भने बिहान ११ बजेबाट अपरान्ह ४ बजेसम्म हुने निणर्य भएको छ । खाद्यान्न, फलफूल र तरकारी पसल चाहिं हरेक दिन ११ बजेसम्म खुल्नेछ
