काठमाडौं १२ साउन । नेपाली कांग्रेसका नेता डा. शेखर कोइरालाले देश कता पुग्छ, कसरी जान्छ भन्ने आफुलाई चिन्ता लागेको बताएका छन् । काठमाडौंमा आयोजित एक कार्यक्रममा नेता कोइरालाले देशमा सुशासन समेत नरहेको भन्दै यस्तो चिन्ता व्यक्त गरेका हुन् ।
‘यसैगरी घिचघिच गरेर देश चलाउने हो भने हामी कहींको रहँदैनौं । देश कता पुग्छ, कसरी जान्छ भन्ने हामी सबैलाई चिन्ता छ,’ कोइरालाले भने ।
अहिलेका राजनीतिकर्मीहरु जनताबाट धेरै टाढा भइसकेको बताएका उनले आफुहरुले राजनीति गरेपनि जनतासँग धेरै टाढा भइसकेको औल्याए ।
‘जनतासँग नजोडिकन हामी राजनीति गर्न थाल्यौं भने राजनीतिज्ञ त हौंला, भइन्छ तर वास्तवमा जनताले त्यसको फाइदा राजनीतिज्ञसँगबाट लिन पाउँदैनन् ‘ उनले भने ।
जसको लागि राजनीति गर्दा जनतासँग जोडिन आवश्यक रहेको बताए ।
