काठमाडौं १२ साउन । प्रधानमन्त्री शेरबहादुर देउवाले आगामी प्रतिनिधिसभा र प्रदेशसभा चुनावको मिति घोषणा गर्न नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’सँग सहमति मागेको छन् ।
प्रधानमन्त्री देउवाले बुधवार प्रचण्डलाई फोन गरेर चुनावको मिति घोषाणा गर्न सहमति मागेका हुन् । प्रेस संगठनका पूर्व पदाधिकारीसँग बिहीवार भएको भेटमा प्रचण्डले यस विषयमा जानकारी गराएका हुन् ।
जवाफमा आफुले प्रधानमन्त्री देउवालाई एकदुई दिन कुर्न आग्रह गरेको बताए । नागरिकता विधेयकलगायत संसद्मा बाँकी रहेका विधेयक पारित गरेर एकदुई दिनमा चुनाव घोषणा गर्नुहोला भनेर आफुले सुझाव दिएको बताए ।
मंसिर ४ गतेका लागि चुनावको मिति घोषणा गर्ने तयारी भएको बताएका प्रचण्डले एकदुई दिनमै मिति घोषणा बताए । साथै उनले आगामी चुनावमा पनि गठवन्धन कायमै रहने जानकारी दिए ।
