काठमाडौं १२ साउन । अन्तत: चौतर्फी विरोध भएको नेपाल नागरिकता (पहिलो संशोधन) विधेयक २०७९ राष्ट्रियसभाबाट बहुमतले पारित भएको छ ।
बिहिबार बसेको राष्ट्रिय सभाको बैठकमा प्रतिनिधिसभाबाट पारित भएर सन्देशसहित प्राप्त नेपाल नागरिकता (पहिलो संशोधन) विधेयक २०७९ बहुमतले पारित गरेको सभाध्यक्ष गणेशप्रसाद तिमिल्सिनाले जानकारी दिएका हुन् ।
विधेयकमा विदेश महिलाले नेपाली पुरुषसँग विवाह गरी आएलगत्तै उनले वैवाहिक अंगीकृत नागरिकता पाउने र गैरआवासीय नेपालीलाई समेत सामाजिक, आर्थिक र सांस्कृतिक गतिविधि गर्ने पाउनेगरी नागरिकता दिने व्यवस्था गरिएको छ ।
