काठमाडौं ६ असार । इटहरीबाट काठमाडौंतर्फ आउँदै गरेको बा४ख ४३०९ नम्बरको हाइस गाडीलाई प्रहरीले काठमाडौं जाने अनुमतिपत्र माग्दा सहचालकले प्रहरीलाई आर्थिक प्रलोभनमा पारेको आरोपमा एक युवक पक्राउ परेका छन् ।
पक्राउ पर्नेमा महोत्तरीको बर्दिबास नगरपालिका–१० बस्ने २० वर्षीय अभिषेक परियार रहेका छन् । पक्राउ परेका ति युवकमाथि सिन्धुली जिल्लाको गोलन्जोर गाउँपालिका–७, खुर्कोट बजारस्थित चेकपोस्टमा ड्युटीमा खटिएका प्रहरीलाई १०० रुपैंयामा आर्थिक प्रलोभन पार्न खोजेको आरोप लागेको छ ।
