काठमाडौं । मोडल नीति शाह फिल्म ‘एक्स नाइन’मा अनुबन्धित भएकी छन् । फिल्ममा उनले अनमोल केसीसँग अभिनय गर्ने भएकी छन् । यस अघि उनले अनमोलसँग काम गर्ने इच्छा भएको बताएकी थिइन् अब भने उनको इच्छा पुरा हुने भएको छ ।
नीतले अनमोलसँग काम गर्न मन लागेको भन्दै भुवनलाई म्यासेज गरेको खबर बाहिर आएको थियो । १० लाख रुपैयाँ पारिश्रमिक ९ उनले फिल्ममा साइन गरेको बताइएको छ । शुक्रबार निर्माता तथा निर्देशक मुकुन्द भट्टसँग उनको यसबारे लिखित सहमति भएको छ ।
यो एक्सन फिल्मको मुख्य पुरुष पात्रमा अनमोल केसी यसअघि नै अनुबन्धित भइसकेका छन् ।फिल्मलाई क्यानडामा छायांकन गर्ने बताइएको छ । नीतिले यसअघि अर्को एक कर्पोरेट फिल्म पनि साइन गरिसकेकी छन् ।
