काठमाडौं ६ साउन । नेपाल मजुदर किसान पार्टी (नेमकिपा)का सांसद प्रेम सुवालले नेपालको भूराजनीतिक अवस्थितिको कारण विदेशी नागरिकसँग विवाह गर्न नेपालीलाई निरुत्साहित गरिनुपर्नेमा जोड दिएका छन् ।
प्रतिनिधि सभाको जारी बैठकमा नेपाल नागरिकता (पहिलो संशोधन) विधेयकमाथि दफाबार छलफलमा भाग लिदै सांसद सुवालले यस्तो बताएका हुन् । खुला सीमा हुन्जेल छिमेकीसँग सम्बन्ध राम्रो नहुने भन्दै उनले नेपालमा सीमा बन्द गर्नुपर्ने बताए ।
‘सीमा असल सम्बन्ध कायम हुन्न । ४७ अर्ब रुपैयाँ लाग्ने रहेछ । यो असारमा गरेको खर्चको २ दिनको मात्रै हो,’ उनले भने ।
भूराजनीतिक अवस्थितिको कारण विदेशीसँग विवाह गर्न निरुत्साहित गरिनु पर्नेमा जोड दिएका उनले नेपालीसँग विवाह गर्नेहरुलाई २० वर्षपछि अस्थायी नागरिकता दिनुपर्ने उनले बताए ।
नागरिकता विधेयक सार्वभौतिकतासँग जोडिएको हुँदा त्यसमा जनताले पनि आफ्नो धारणा राख्न पाउनु पर्ने उनले बताए ।