काठमाडौँ । ठूलो व्यानरको फिल्म छक्का पञ्जामा अभिनय गर्ने अवसर पाए पनि नायिका नम्रता सापकोटा भने चलिनन् ।नेपाली चलचित्र क्षेत्रमा ठीक ठिकै चलेपनि उनी मज्जैले जम्न भने सकिनन् । फिल्ममा जन्म् नसकेपछि नम्रताले विकल्प खोज्दै चलचित्रमा भन्दा म्युजिक भिडिओमा रम्न थालेकी छिन् ।
बिहीबार नम्रता अभिनित गरेको म्युजिक भिडिओ सार्वजनिक भयो। ‘काली’बोलको गीतको म्युजिक भिडिओ सार्वजनिक कार्यक्रममा उपस्थित नम्रताले नायिकाका रुपमा आफू नचलेको स्वीकार भने गरिन् ।
उनले नायिकाका रुपमा नचलेपछि ‘खलनायिका’ भएर फिल्ममा देखिने इच्छा समेत सो अवसरमा राखिन् ।आफूले आफैंलाई खलनायिकाको भूमिकामा देख्न चाहेको बताउँदै नम्रताले कसैले खलनायिकाको भूमिकाका लागि अफर गरे आँफुले स्विकार्ने बताइन् ।
