काठमाडौं । दीपकराज गिरी र दीपाश्री निरौलाको नयाँ फिल्ममा बेनिशा हमाल र मलिना जोशी अनुबन्धित भएका छन् । हेमराज बीसीले निर्देशन गर्ने फिल्ममा दीपकको जोडीको रुपमा बेनिशा र सहायक अभिनेत्रीको रुपमा पूर्वमिस नेपाल समेत रहेकी मलिना जोशी अनुबन्धित भएकी हुन् ।
निर्माता शर्माका अनुसार आगामी साता भक्तपुरको सूर्यविनायक मन्दिरमा फिल्मको मुहूर्तसँगै छायांकन प्रारम्भ हुनेछ ।‘श्री माग्ने राजा’ शीर्षकमा फिल्म बन्ने बताइए पनि निर्णय नभएको बताइएको छ ।
दीपक, दीपा, मलिना र बेनिशासहित फिल्ममा केदारप्रसाद घिमिरे ‘माग्ने बुढा’, नीर शाह र निर्मल शर्मा समेत हुनेछन् । दीपक–दीपाको यो फिल्म अब तिहारको छेकोमा रिलिज हुने बताइएको छ ।
