काठमाडौं ४ साउन । तत्कालीन अर्थमन्त्री जनार्दन शर्मामाथि छानविन गर्न गठित संसदीय विशेष समिति समितिको आज बस्ने बैठकमा शर्मालाई बयानका लागि बोलाइएको छ।
सिंहदरबारमा बस्ने समितिको बैठकमा शर्माको बयान लिने भएको छ । बजेट निमार्ण कार्यमा अनधिकृत व्यक्तिको सहभागिता गराएको विषयमा सोधपुछ गरिने भएको हो ।
असार २२ गते अर्थमन्त्रीबाट राजीनामा दिएपछि शर्मामाथि छानबिनका लागि ११ सदस्यीय संसदीय समिति बनेको थियो ।
यस अघि समितिले मन्त्रालयका अर्थ सचिव र राजस्व सचिव, सहसचिव र अन्य कर्मचारीसँग सोधपुछ गरिसकेको छ।
