एक समय बलिउडकी सदावहार नायिका रेखाको नाम महानायक अमिताभ बच्चन संग समेत जोडिएको थियो । उनीहरु बीच लामो समय सम्म अफेयर चलेको हल्ला थियो । अमिताभ संग जोडिएको रेखाको अनेकन किस्साहरु रहेका छन् । त्यसमध्ये रेखा र अक्षय कुमारको भने स्मरणीय रहेको छ । रेखाकै कारण अक्षय कुमारको अर्काे रिलेसन टुटेको थियो ।
रबीना संग यसरी टुट्यो अक्षयको सम्बन्ध :
अक्षय कुमार र रबीना टण्डन एक समय एकदमै सिरियस रिलेशनमा रहेका थिए । फिल्म मोहराको शुटिंग पछि अक्षय र रबीना बीच नजिकपन बढेको थियो । उनीहरु दुबैले मन्दिरमा गएर फुलमाला समेत गरेका थिए । त्यस्तै अक्षयको शर्त अनुसार रबीनाले फिल्म लाईन समेत छोड्न राजी भएकी थिईन् ।
उनीहरुको मायाको बीच तगारो बनेर आयो फिल्म खिलाडियो के खिलाडी । यस फिल्ममा अक्षय र रेखाले एकदमै इन्टिमेट सीन दिएका थिए । यही फिल्मको शुटिंका बेला अक्षय संग रेखा नजिएकी थिईन् ।
अक्षय यतिबेला रबीना संग पनि रिलेशनमै रहेका थिए । रेखा तथा अक्षयबीचको अफेयरको कुरा रबीनाको कान सम्म पुग्यो । उनले यो कुरालाई बिश्वास गरिनन् । तर जब उनले एक पाटीमा रेखा संगै अक्षयलाई देखिन् त्यसपश्चात उनले ब्रेकअप दिएकी थिईन् ।
