काठमाडौं १ साउन । नेकपा एमालेका महासचिव शंकर पोखरेलले नेपालको राजनीतिको मान्यतालाई खण्डित गर्ने काम गठबन्धनका नेताहरुबाट भइरहेको आरोप लगाएका छन् ।
आइतबार पोखरामा सञ्चारकर्मीसँग कुराकानी गर्दै उनले नेपालको आन्तरिक राजनीतिमा भारतीय चलखेल बढेको भन्दै यस्तो आरोप लगाएका हुन् ।
‘नेपालीहरुको बीचमा नेपालको राजनीतिको मान्यतालाई खण्डित गर्ने काम गठबन्धनका नेताहरुबाट भइरहेको छ ।’ उनले भने ।
गठबन्धनलाई आगामी निर्वाचनसम्म निरन्तरता दिने उद्देश्यले प्रचण्ड र आरजुको भारत भ्रमण भएको दावी गरेका उनले नेपालको राजनीतिबारे बाहिर बसेर छलफल गर्ने स्थिति उत्पन्न हुनु राष्ट्रिय हित र स्वाधिनतमाथि प्रश्न उठ्नु रहेको बताए ।
