काठमाडौँ –
नेपाली बजारमा आइतबार सुनको भाउमा गिरावट देखिएको छ। शुक्रबारको तुलनामा सुनको भाउ आज प्रतितोला दुई सय रुपैयाँले घटेको नेपाल सुनचाँदी व्यवसायी महासंघले जनाएको छ ।
यससँगै छापावाल सुनको भाउ ९३ हजार ६ सय रुपैयाँमा कारोबार भइरहेको महासंघले जनाएको छ । त्यस्तै आज तेजावी सुनको भाउ पनि ९३ हजार १ सय रुपैयाँमा कारोबार भइरहेको छ ।
आइतबार चाँदीको भाउ भने बढेको छ। चाँदी प्रतितोला १५ रुपैयाँले बढेको छ। आज चाँदी प्रतितोला ११६० रुपैयाँमा कारोबार भइरहेको महासंघले जनाएको छ।
