काठमाडौं- फिल्म ‘परदेशी २’को टिजर यसै साता रिलिज भयो । टिजरमा सिरिजका प्रमुख अभिनेता प्रशान्त तामाङलाई स्थान नदिइएपछि प्रशान्त तामाङ असन्तुष्ट बनेको खबर बाहिर आएको छ । यतिबेला प्रशान्त भारतमै छन् र उनी फिल्मको प्रचारमा आउने वा नआउने टुंगो समेत नभएको बताइएको छ ।
पौने तीन मिनेटको टिजरमा प्रशान्तको एउटा मात्र दृश्य छ । जसलाई लिएर उनी दुखी बनेको बताइएको छ । यतिबेला प्रशान्त भारतमै रहेको र उनी फिल्मको प्रचारमा आउने वा नआउने टुंगो समेत नभएको बताइएको छ ।
पूरै टिजरभरि सपुत छाएपछि यसलाई निर्देशक रायमाझीको भरोसाको रुपमा हेरिएको छ । पूर्व इण्डियन आइडल समेत रहेका प्रशान्तले नै रायमाझीलाई नेपाली फिल्ममा स्थापित गराउन भूमिका खेलेका दुई फिल्म गोर्खापल्टन र परदेशी हिट बनाउन योगदान दिएका थिए ।
गोर्खापल्टन स्टार तामाङलाई ओझेलमा पारिएकोप्रति सामाजिक सञ्जालमा रायमाझीको आलोचना सुरु भएको छ । फिल्म दशैं छेको पारेर असोज १४ गते प्रदर्शनमा आउने भएको छ । फिल्ममा सपुत र प्रसान्तका अलवा केकी अधिकारी वर्षा सिवाकोटीको मूख्य भुमिका रहेको छ ।
