बलिउडका चर्चित अभिनेता सोनू सूद कोरोनको यो महामारीका बेला सबैको सहयोगमा जुटिरहेका छन् । उनले यो बेला गरेको निस्वार्थ सहयोगले सबैको मन जित्न सफल भएका छन् । उनलाई मजदुरहरुको मसिहाको उपाधी समेत दिएका छन् ।
उनी अहिले आफ्नो छोरालाई एउटा शानदार उपहार दिए संगै चर्चामा चुलिएका छन् । उनले आफ्नो छोरालाई हालसालै भारतमा लन्च भएको लग्जरीयस कार मर्सिडिज मेब्याच गिफ्ट गरेका छन् । उनको यो भीडियो अहिले भाईरल भईरहेको छ ।
आफ्नो छोरा आर्यनलाई उनले उक्त कार गिफ्ट गरेका हुन् । उक्त भिडियोमा कारका बारेमा एक ब्यक्तिले बताईरहेको देखिन्छन् । त्यसपछि सोनू सूद आफ्ना २ छोराका साथ कार ड्राइभ गरेर निस्किएको भिडीयो भाईरल भएको हो । सोनूको साथमा धेरै लग्जरीयस कारहरुको कलेक्सन रहेको छ ।
उनले आँडी क्यु ७, मर्सिडिज बेंज एमएल क्लास तथा पोर्श जस्ता महंगा र सुबिधायुक्त कारहरु रहेका छन् । उनी संग एक चेतक स्कुटर पनि रहेको छ । जुन उनका लागि एकदमै खास रहेको छ । किनकी उक्त स्कुटर उनको बुवाले चलाउने गरेका थिए ।
