बलिउडबाट आफ्ना फ्यानको मनमा राज गर्ने किंग शाहरुख खान यतिबेला आफ्नो आगामी फिल्मलाई लिएर निकै चर्चामा छन् । शाहरुख छिट्टै ‘पठान’, ‘जवान’, ‘डंकी’ र ‘डन ३’ मा देखिनेछन्, जसको उनले ब्याक टू ब्याक शूटिङ गर्नेछन् । योसँगै उनका फ्यानहरु पनि उनको फिल्मलाई लिएर निकै उत्साहित छन् र उनको फिल्मको रिलिजको लागि आतुर छन् । शाहरुख अन्तिम पटक सन् २०१८ मा आएको फिल्म ‘जीरो’मा देखिएका थिए, जुन बक्स अफिसमा असफल भएको थियो ।
अब शाहरुख खान ५ वर्षपछि ठूलो पर्दामा फर्कदैछन् । हालै, बलिउड अभिनेता र आफूलाई नम्बर १ फिल्म समीक्षकको रूपमा वर्णन गर्ने केआरकेले आफ्नो धेरै पुरानो ट्वीटको लागि शाहरुख खानलाई निशाना बनाएका छन्। केआरकेले एक ट्विट गरेका छन्, जसमा उनले शाहरुखलाई ‘सधै नशामा रहने मानिस’ भनेका छन् । वास्तवमा केआरकेले शाहरुखको धेरै पुरानो ट्वीटको स्क्रिनसट सेयर गरेका छन्, जसमा उनले आफ्नो एक फ्यानको ट्वीटलाई रिट्वीट गर्दै ‘म नै बलिउड हुँ’ लेखेका छन् । शाहरुखको यो ट्विटको स्क्रिनसट शेयर गर्दै केआरकेले शाहरुख खानको खिल्ली उडाए, जसलाई लिएर उनका फ्यानहरु अलिकति रिसाए ।
केआरकेले ट्विट गर्दै लेखेका छन्, ‘यो हेर्नुहोस्१ यो भाइ शाहरुख खान आफ्नै संसारमा मस्त छ। बेलुका रक्सी खाएर आफ्नो इच्छाअनुसार सूर्य उदाउँछ र अस्ताउँछ भनी मान्छन् । विगत ९ वर्षमा ५ वटा मात्र फिल्म बनेका छन्, आफैं घरमै बलिउडको मानक बनेर बसेका छन् । केआरकेको यो ट्विट निकै भाइरल भइरहेको छ । योसँगै किंग खानका फ्यानहरूले पनि यो ट्वीटमा आफ्नो असन्तुष्टि व्यक्त गर्दै धेरै कमेन्ट गरिरहेका छन् । जहाँ एक प्रयोगकर्ताले लेखेका थिए, ‘तिमी जस्तो मान्छेले शाहरुख खानको नाममा पसल चलाउँछन्’। जबकि अर्कोले लेखेका छन्, ‘तिमी शाहरुखको लोकप्रियता देखेर ईर्ष्या गर्छौ । उनी बलिउडका राजा हुन् ।
