काठमाडौं-‘बाहुबली’ निर्देशक एसएस राजामौली निर्देशित फिल्म ‘आरआरआर’बाट साउथमा नायिका आलियाले पाइला राखेकी छन् । उनले आफ्नो पहिलो पेन इन्डिया फिल्मका लागि आकर्षक पारिश्रमिक पाएकी छन् ।
टाइम्स अफ इन्डियाका अनुसार, उनलाई फिल्मका लागि ६ करोड पारिश्रमिक दिइएको बताइएको छ । ठूला अभिनेत्रीले समेत पाउन नसकेको पारिश्रमिक आलियाले पाएपछि उनको चर्चा राम्रो चलेको छ ।
उनले आफ्नो भागको प्रायः छायांकन पूरा गरिसकेकी छन् । कोरोनाका कारण फिल्मको बाँकी छायांकन हुन सकेको छैन । फिल्ममा साउथका दुई ठूला स्टार राम चरण र जुनियर एनटीआरसँगै बलिउड अभिनेता अजय देवगन र अभिनेत्री आलिया भट्टको अभिनय रहेका कारण दर्शक यो फिल्मलाई लिएर उत्साहित छन् । फिल्म पण्डितहरुले ‘आरआरआर’ लाई रिलिज अगावै ‘स्योर सट हिट’ भनेका छन् ।
