काठमाडौं –
नेपाली फिल्मका फिल्मसम्पादक किरण अधिकारीको निधन भएको छ । हृदयघात भएका अधिकारीको अस्पताल लैजादै गर्दा निधन भएको बताइएको छ । अधिकारीको निधनको जानकारी छायाँकार रवि कोइरालाले दिए ।
उनको आइतबार निधन भएको हो । बिचबाटो’, ‘मेरो राजेश दाई’ ‘मधेस पुत्र’ लगायत थुप्रै फिल्म, म्युजिक भिडियो, डकुमेन्ट्री तथा विज्ञापन चलचित्र सम्पादन गरेका उनले पछिल्लो समय दाई राजु अधिकारीसँग मिलेर करुणा फिल्मस् संचालन गर्दै आएका थिए ।
