काठमाडौँ । चर्चित गीत तिमी बिनाको भाग ३ भिडियो सार्वजनिक भएको छ । गीतकार रचना प्रधानको शब्द शृजनामा तयार भएको बहुचर्चित गीत तिमी बिना गायिका सुरक्षा सेन्चुरीको आवाज रहेको गीत रिलिज भएसँगै यसको चर्चा सुरु भएको छ । सार्वजनिक गीतमा बरिष्ठ गायक तथा संगीतकार नागेन्द्र श्रेष्ठको संगीत रहेको छ भने गीतमा राहुल प्रधानको एरेन्ज रहेको छ ।
प्रेम, रोमान्स र बिछोडले भरिएको गीतमा प्रबिन डिसी , आयुष्मा कार्की र सृष्टि सुब्बाको अभिनय देख्न सकिन्छ । पुनम चौधरीको शृगार रहेको भिडियोको छायांकन दिनेश पराजुलीले गरेका हुन् भने सम्पादन अमृत चापागाईले गरेका हुन् ।
आर स्टुडियो दार्जलिगं र स्टुडियो वान काठमाडौँमा रेकडिंग गरिएको भिडियोलाई पछिल्लो पुस्ताका रुचाइएका निर्देशक जस बहादुर याक्खाले निर्देशन गरेका हुन् । काठमाडौँ आसपासका मनोरम स्थलहरुमा छायांकन गरिएको भिडियो ओएसआर डिजिटलबाट बजारमा ल्याइएको हो ।
