तपाईं खतरों के खिलाडी सिजन १२ को बारेमा धेरै उत्साहित हुनु हुन्छ होला । आफ्नो मनपर्ने स्टारहरूको साहसी शैली हेर्न कसलाई मन पर्दैन र। रोहित शेट्टीको यो शो लामो प्रतिक्षापछि जुलाई २ मा प्रिमियर हुँदैछ । शो प्रशारण हुनु अघि, हामी तपाईलाई एउटा ठुलो खबर सुनाउन गइरहेका छौं। त्यो सुन्दा तपाईलाई अचम्म लाग्न सक्छ । सिसास्ट डटकमले आफ्नो रिपोर्टमा हालसम्म ८ खेलाडी शोबाट बाहिरिएको बताएको छ ।
उनीहरु अब खतरों के खिलाडी १२ को हिस्सा छैनन्। यसको मतलब अब शोमा ६ खेलाडी मात्र बाँकी छन् । यी ६ प्रतियोगीले मात्र ट्रफीका लागि लड्नेछन् । प्रतीक सहजपाल, एरिका प्याकार्ड, अनेरी वजानी, शिवांगी जोशीलाई हटाएको खबर यसअघि नै मिडियामा आएका थिए । अब यिनीहरू बाहेक शोबाट बाहिर रहेका बाँकी ४ खेलाडी को हुन्, यसको जानकारी भने खुलाइएको छैन ।
त्यसो त यो कुरा कति सत्य हो त्यो हेर्न बाँकि नै रहेको छ । १ दिनपछि शो अन एयर हुन लागेको छ, त्यसपछि सबै कुरा थाहा हुनेछ । जन्नत जुबैर रहमानी, सृति झा, रुबिना डिलाइक, प्रतीक सहजपाल, शिवांगी जोशी, निशान्त भट्ट, राजीव अदातिया, चेतना पाण्डे, एरिका प्याकार्ड, फैजल शेख, अनेरी वजानी खतरों के खिलाडी १२ को हिस्सा बनेका छन्।
सामाजिक सञ्जालमा सबैका प्रोमोको हावी छ। यस पटक टिभीकी बुहारीले शो जित्ने अपेक्षा गरिएको छ । रुबिना डिलाइकको नाम यो सूचीमा शीर्ष स्थानमा छ । एक अन्तर्वार्तामा रोहित शेट्टीले रुबिनालाई शोको बलियो खेलाडीको रूपमा वर्णन गर्दै शो जित्ने संकेत दिएका थिए ।
