काठमाडौं १७ असार । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र अभिनेता राजेश हमालबीच भेटवार्ता भएको छ ।
प्रचण्ड भेट्न शुक्रबार बिहान प्रचण्ड निवास खुमलटार पुगेका हमाल र प्रचण्ड बिच समसामयिक विषयमा छलफल भएको बताइएको छ ।
प्रचण्ड र हमालबीच २० मिनेट एक्लाएक्लै कुराकानी समेत भएको कलाकार चेतन सापकोटाले जानकारी दिएका छन् । भेटमा हमालले राजनीतिक र सामाजिक आन्दोलनमा प्रचण्डले खेलेको भुमिकाको प्रश्ांसा समेत गरेका थिए ।
प्रचण्डसँग राष्ट्रले सम्झिए आफू सेवा गर्न तयार रहेको बताएका हमालले । तत्काल राजनीतिमा आउने सोच नरहेको र आउँदै आउँदिनँ भन्ने पक्षमा पनि आफू नरहेको बताएका थिए ।
साथै, प्रचण्डले हमाललाई आफूले बौद्धिक अनि अध्ययनशील कलाकारको रूपमा बुझेको बताएका थिए ।
