यतिबेला नेपाली फिल्म प्रकाशको चर्चा चुलिएको छ । प्रदीप खड्का स्टारर यस फिल्मको फेरी अर्काे गीत रिलिज भए संगै चर्चा चुलिएको हो । बिहीबार यस फिल्मको जोर मैना बोलकोे गीत सार्वजनिक भएको हो । यस गीतले प्रेमील जोडीहरुको माया प्रेम र यसमा आउने अनेकन बाधा अड्चनलाई मार्मिक ढंगले प्रस्तुत गरेको छ ।
ध्रुव बिस्कोको स्वरमा सजिएको यो गीतको शब्द तथा संगीत दीपक शर्माको रहेको छ । यस गीतलाई जुम्लामा छायाँकन गरिएको छ । गीतमा नायक प्रदीप खड्का र रेणु योगी जुम्लेलीको शसक्त अभिनय देख्न पाईन्छ । यस फिल्मले सिंगो कर्णालीको कथा ब्यथा बोकेको छ । कर्णालीका एक युवकको शिक्षक बन्ने सपनालाई पर्दामा उतारिएको छ ।
दिनेश राउतले निर्देशन गरेको यस फिल्ममा प्रदीप खड्का, दीया मास्के, रेणु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दीपेन्द्र शाहीलगायतको अभिनय रहेको छ ।
