काठमाडौं १५ असार । नेकपा माओवादी केन्द्रका अध्यक्ष पुष्पकमल दाहाल (प्रचण्ड) ले अब माओवादी एक हुनुको विकल्प नभएको बताएका छन् ।
पार्टी मुख्यालय पेरिसडाँडामा आयोजित पार्टी प्रवेश कार्यक्रममा अध्यक्ष प्रचण्डले माओवादी जनयुद्धमा भाग लिएकाहरू आफ्नो नेतृत्वमा एकताबद्ध हुनुको विकल्प नरहेको बताएका हुन् ।
साना-साना पसल थापेर लडाइँ जित्न नसकिने भन्दै जनता र कार्यकर्ताले पनि माओवादीहरूलाई प्रचण्डको नेतृत्वको एकताबद्ध हुन निर्देशित गरेको बताएका प्रच
ण्डले फेरि प्रचण्डकहाँ जानुपर्ने भयो भनेर लाज नमान्न समेत आग्रह गरेका छन् ।
‘अब जनता पनि आजित भए । अब तिमी माओवादीहरू एकै ठाउँमा बस भन्न थाले । कार्यकर्ताको भावना पनि आखिर चुनाव नै हो, प्रतिस्पर्धामै आउने हो भने प्रचण्डकै नेतृत्वमा किन नआउने भन्ने देखियो । क्रान्ति हुन्छ कि अरुबाट भन्ने भ्रम पनि तोडियो ।’ प्रचण्डले भने ।
त्यसैले विप्लवजी, वैद्यजी, हेमन्त वलीजीहरू सबैजना प्रचण्डकहाँ किन जाने भनेर लाज नमानी आउन भन्दै प्रचण्डले आफ्नो नेतृत्वमा मात्र माओवादी आन्दोलनको एकता सम्भव हुने दावी गरेका छन् ।
