काठमाडौं १५ असार । नेकपा माओवादी केन्द्रका अध्यक्ष पुष्पकलम दाहा ‘प्रचण्ड’ले नेकपा एमाले भित्र अध्यक्ष केपी ओली नहुने हो , भने हजारौंलाई समाजवादको यात्रामा डोर्याउन सकिने बताएका छन् । बुधबार पार्टी कार्यालयमा आयोजित पार्टी प्रवेश कार्यक्रममा अध्यक्ष प्रचण्डले यस्तो बताएका हुन् ।
एमाले भित्रका हजारौं नेता–कार्यकर्तालाई एकीकृत गरैर लैजान सकिने अनुभव आफुसँग भएको बताएका प्रचण्डले भने,’एमाले भित्रका पनि हजारौं नेता–कार्यकर्तालाई एकीकृत गरेर लान सकिने रहेछ,तपाईंहरुलाई लाग्दो हो सकिने रैनछ । सक्कियो, विग्रियो नि त भन्ने लाग्न सक्छ । तर, त्यहाँ बिउ रोपिएको छ । हामी माओवादीले बिउ रोपेर आएका छौं । हेर्नुहोला केही समयपछि त्यो फूल्छ, फल्छ ।’
एमालेमा ओलीको नेतृत्व नहुने हो भने ,जारौंलाई समाजवादको यात्रामा डोर्याउन सकिने बताएका प्रचण्डले एमाले भित्रका हजारौं नेता र कार्यकर्ताको नेतृत्व गर्न सकिने दावी समेत गरेका छन् ।
