अमेरिकाको क्यालिफोर्निया राज्यको सान फ्रान्सिस्को बस्दै आएकी नेपाली मूलकी होनहार युवती मनसुन पाण्डेको बुधबार अन्त्यष्टि गरिने भएको छ ।

जुन २३ ,२०२२ का दिन क्यालिफोर्निया राज्यको स्थानीय समय अनुसार करिव साँझ ६ बजे स्वर्गिए भएकी पाण्डेको यही जुन २९ ,२०२२ बुधवारका दिन बिहान साडे १० बजे अन्तिम श्रद्धान्जलीका लागि राखिएकीको पारिवारिक स्रोतले जनाएको छ ।

नेपाली समाजका उर्जाशिल ब्यक्तित्व, सान फ्रान्सिस्को निवासी सामाजिक अभियन्ता अनिल पाण्डेकी छोरी मन्सून पाण्डे को भर्खरै को कललाउँदो उमेरमा असमायिक निधनले आम नेपाली सबैलाई स्तब्ध बनाएको छ ।

२९ बर्षिय मनसुन पाण्डेको जन्म १९९३ मा मे ६ का दिन भएको थियो । मनसुनको दुखद समाचार थाहा पाउन साथ आफन्त ,साथीभाई ,इष्टमित्र सबैले सामाजिक संजालमा जताततै समवेदना दिई रहेका छन् भने समवेदना आउने क्रम जारी रहेको छ ।

अकल्पनिय क्षति तथा दुखद खबरले सबै नेपालीलाई मर्महात बनाएको छ भने पिता अनिल पाण्डेलाई चिन्ने सबैले सन्देश दिई रहेका छन् । पिता अनिल पाण्डेका शुभ चिन्तक तथा नजिकका साथीभाईहरुका अनुसार स्व मनसुनले सूचना प्रविधि (आई टी)अध्ययन गरेकी थिइन् भने उनले बिश्वकै चर्चित एप्पलमा समेत काम गरेकी थिइन् । तर केही समय अगाडी उनले काम पनि छोडेकी थिइन् ।

उनि केही समय अगाडी युरोप यात्रामा समेत गएर अमेरिका फर्केकी थिइन् । पिता स्वयम कलाकार र क्यालिफोर्नियाको बे एरिया (क्षेत्र)अत्यन्तै क्रियाशील भएको कारण सुपुत्री पनि बाबुलाई साथ दिदै विभिन्न कार्यक्रममा सहभागी हुन्थिन । पिता अनिल पाण्डेले नेपालको पर्यटनलाई प्रवर्द्धन गर्न सन् २०११ मा आयोजना गरेको नेपाल दिवसमा समेत मनसुनले सक्रिय रुपमा भाग लिएकी थिइन् । उनका थुप्रै अङ्किय दृश्य(भिडियो)हरु पिताले सुरक्षित राखेका छन् ।

मनसुन पाण्डेको मन्सून पाण्डेलाई अन्तिम श्रद्धान्जली दिन र अन्त्येष्टी कार्यक्रममा सहभागी हुन इच्छुक सबैलाई निम्न स्थान मिती र समयमा उपस्थित भैदिनुहुन पारिवारिक श्रोतले अनुरोध गरेको छ।

अन्तिम श्रद्धाञ्जली कार्यक्रम:
जुन २९ ,२०२२ बुधवार बिहान १०:३० बजे
Dan Scales Funeral Services
Address:
107 W 8th St, Pittsburg, CA 94565

For Cremation:
अन्त्येष्टी कार्यक्रम
Pacheco Cemetery & Crematory
Address:
4795 Blum Rd, Martinez, CA 94553