स्पेनिस टेनिस स्टार राफायल नाडालले विम्बल्डन टेनिसमा विजयी सुरुवात गरेका छन् । मंगलबार राति भएको खेलमा उनले अर्जेन्टिनाका फ्रान्सिस्को सेरुन्डोलोलाई पराजित गर्दै सुखद सुरुवात गरेका हुन् । सेन्टर कोर्टमा नाडालले फ्रान्सिस्कोमाथि ६-४,६-३,३-६ र ६-४ को सेटमा जित निकाले ।
विश्व वरीयताको दोस्रो स्थानमा रहेका नाडालको यो ३ सय ६ औं ग्रान्डस्लाम जित हो ।कीर्तिमानी २२ औं पटकको ग्रान्डस्लाम विजेता नाडालले दोस्रो चरणमा लिथुनियाका रिकार्डससँग खेल्नेछन् ।३६ वर्षीय नाडालले दुई पटक विम्बल्डनको उपाधि जितेका छन् ।
